Big position and big post,
from coast to coast,
Yet, dem wan mi fi mek bread
and clean ouse inna mi Valentino suit,
Tru mi talk wid wan accent,
dem tink sey me a suffa from wan impediment,
Lorks, dem a create hexcitement wen
dem suggest fi mi clean de embankment,
Mi dress from head to toe,
Everyting is Valentino,
mi gat mi credentials
fi do de talkin,
but dem douhghn't wan ere dat,
Dem juss wan pure cleanin,
Afta me nevva do days wuk inna mi life,
dem a try tun mi inna wan maid fi create strife,
Dem tink sey caribbeans iz ongly good fi cook
an keep yard, wen we get bex dem sey we a create discord,
Funny, dem doughn't worry sey dem offend we,
How much peple dem knoe a run roung inna Valentino cutesy-cutesy?
No comments:
Post a Comment